Fréttir

Sýningin Handverk og hönnun í Ráðhúsi Reykjavíkur hefur á undanförnum tveimur áratugum orðið helsti vettvangur íslensks handverks og hönnunar. Þar kynna og selja listamenn og hönnuðir fjölbreyttar vörur – skartgripi, textíl, leður, keramik, tréskurð margt fleira. Fyrsta sýningin var haldin 26.–29. október 2006 og hefur hún árlega laðað til sín þúsundir gesta og hundruð sýnenda. Handverk og hönnun leggur áherslu á að sýnileiki handverks byggist bæði á sýningum sem vekja athygli og á viðburðum sem styðja markaðssetningu og dreifing. Stjórn Handverks og hönnunar hefur ákveðið að fresta árlegu sýningunni árið 2025 til að endurhanna hana með aukinni áherslu á faglega kynningu og markaðssetningu gæða handverks í samtíma Íslands. Þetta mat átti sér stoð í stefnumótuninni 2022, þar sem markmið Handverks og hönnunar eru að tryggja sýnileika handverks, efla gæði og tryggja fagmennsku. Með því að leggja vinnu í endurskipulagningu vonast Handverk og hönnun til að bjóða upp á enn sterkara, faglegra rými fyrir íslenskt handverk árið 2026 og þar eftir. Við bendum sýnendum og unnendum á eftirfarandi aðila sem staðið hafa að glæsilegum jólamörkuðum: https://www.facebook.com/heidmork https://www.facebook.com/saman.menningogupplifun https://www.facebook.com/hofudstodin https://www.facebook.com/ishushafnarfjardar Við vinnum nú hörðum höndum að sterkum stoðum sýningarhalds og kynningar á íslensku samtíma handverki. Ljósmynd: Sunna Ben - frá vorsýningu Leirlistafélags Íslands ,,Bergmál landsins"

Ljósmyndirnar eru faglegt handverk Sunnu Ben Sýningarstjóri: Búi Bjarmar

The Nordic Network of Crafts Associations (NNCA), sem sameinar sjö handverkssamtök á Norðurlöndum, þar á meðal HANDVERK OG HÖNNUN, leggur til að stofnuð verði sérstök handverksverðlaun Norðurlandaráðs. Markmiðið er að auka sýnileika norræns samtímahandverks, fagna menningarlegum og listrænum fjölbreytileika og varpa ljósi á framlag listamanna og handverksfólks til samfélagsins.

Verið hjartanlega velkomin á opnunarhóf vorsýningar Leirlistafélags Íslands BERGMÁL LANDSINS í rými Handverks og hönnunar á Eiðistorgi (við hliðina á vínbúðinni) laugardaginn 10. maí kl. 14-16. Sýningarstjóri er Búi Bjarmar Aðalsteinsson. Sýningin stendur til 1. júní og er opin fimmtudaga - sunnudaga frá 12-17.

Félag trérennismiða á Íslandi fagnar 30 ára afmæli á árinu og af því tilefni ætlar félagið að standa fyrir 30 daga viðburði í apríl. Meðlimir félagsins taka yfir húsnæði Handverks og hönnunar á Eiðistorgi og breyta því í alvöru rennismiða vinnustofu þar sem félagsmenn skiptast á að mæta og renna ýmsa gripi úr ólíkum viðartegundum

HAKK Gallery opnar samsýninguna Snaga á Skriðuklaustri þann 12. apríl kl 14.00. 30 hönnuðir, listamenn, handverksfólk og arkitektar sýna veggsnaga í sinni fjölbreyttustu mynd, efni og formi.

HAKK Gallery opnar samsýninguna Snaga þann 28. febrúar næstkomandi, þar sem 30 hönnuðir, listamenn, handverksfólk og arkitektar sýna veggsnaga í sinni fjölbreyttustu mynd, efni og formi.

Handverk og hönnun óskar eftir sýningarstjórum á skrá.

Taktu þátt í að móta framtíð vinnustofudvala (recidendy) fyrir handverkslistamenn á Norðurlöndum. Könnun:Vinnustofudvalir fyrir handverkslistamenn á Norðurlöndum

Á sýningunni Handverk og hönnun í Ráðhúsi Reykjavíkur, sem fer fram dagana 7-11 nóvember munu tveir listamenn sýna lifandi handverk sitt. Þessir sérstöku pop-up viðburðir munu fara fram laugardaginn 9. nóv og sunnudaginn 10. nóv. Á viðburðunum munu listamenn vera að vinna að sínu handverki og hönnun og sýna gestum sýningarinnar sérhæft handbragð og verklag sitt.